పెరిగిన వంటగ్యాస్ ధరలు సామాన్యుడి వంటింట్లో మంటలు . సిపిఐ​

​వంటగ్యాస్ ధరల పెంపు - సామాన్యుడిపై  పెను భారము సిపిఐ జిల్లా కార్యవర్గ సభ్యుడు వడ్డమాను వీర శేఖర్ కేంద్ర రాష్ట్ర ప్రభుత్వాలపై ఆగ్రహం

నిత్యవసర వస్తువుల ధరలు ఆకాశాన్ని తాకుతున్న తరుణంలో, కేంద్ర ప్రభుత్వం వంటగ్యాస్ సిలిండర్‌పై ఒక్కసారిగా 60 రూపాయలు పెంచడం సామాన్య, మధ్యతరగతి ప్రజలకు కోలుకోలేని దెబ్బ. ఇప్పటికే పెరిగిన పెట్రోల్, డీజిల్ ధరలతో సతమతమవుతున్న  ప్రజలపై ఈ అదనపు భారం 'గోరుచుట్టుపై రోకలిపోటు'లా మారింది.

​పెరుగుతున్న భారము:

గత కొన్నేళ్లుగా గ్యాస్ ధరలు క్రమంగా పెరుగుతూ వస్తున్నాయి. ఒకప్పుడు 400-500 రూపాయలకే లభించిన సిలిండర్, ఇప్పుడు వెయ్యి రూపాయల దరిదాపుల్లోకి చేరింది. తాజాగా పెంచిన 60 రూపాయలతో సామాన్యుడి నెలవారీ బడ్జెట్ తలకిందులవుతోంది. ముఖ్యంగా కూలీలు, చిరుద్యోగులు తమ ఆదాయంలో ఎక్కువ భాగం కేవలం గ్యాస్ కోసమే వెచ్చించాల్సి రావడం బాధాకరం ​ప్రభావం

గ్యాస్ ధరల పెంపు కేవలం వంటింటికే పరిమితం కాదు. ఇది పరోక్షంగా హోటళ్లు, ఇతర ఆహార పదార్థాల ధరల పెరుగుదలకు కూడా కారణమవుతుంది. సామాన్యుడు కనీసం పోషకాహారం కూడా తీసుకోలేని పరిస్థితి నెలకొంటుంది. ప్రభుత్వం అంతర్జాతీయ మార్కెట్లో ధరల పెరుగుదలను సాకుగా చూపుతున్నప్పటికీ, ప్రజల సంక్షేమాన్ని దృష్టిలో ఉంచుకుని రాయితీలు పెంచాల్సిన అవసరం ఎంతైనా ఉంది.

అచ్చే దిన్" (మంచి రోజులు) వస్తాయని ఆశించిన ప్రజలకు, ఈ ధరల పెంపు నిరాశనే మిగిల్చింది. ప్రభుత్వం తక్షణమే స్పందించి పెంచిన ధరను ఉపసంహరించుకోవాలి లేదా రాయితీ (సబ్సిడీ) మొత్తాన్ని పెంచి సామాన్యుడికి ఊరట కలిగించాలి. ప్రజా సంక్షేమమే పరమావధిగా ప్రభుత్వం నిర్ణయాలు తీసుకోవాలి ఈ సమావేశంలో సిపిఐ ఏరియా కార్యదర్శి పిడుగు మస్తాన్ మండల సహాయ కార్యదర్శి కోడూరుకేశవ, ఏఐటీయూసీ మండల కార్యదర్శి సఫా, సనమాల చెన్నయ్య  పాల్గొన్నారు